2. სასამართლო სისტემის საჭიროება

2.1. ინტერესთა კონფლიქტი

შერიფების დეპარტამენტი ახორციელებს დანაშაულის გამოძიებას, პირების დაკავებასა და კანონების აღსრულებას. აღნიშნული ფუნქციების გამო გამომძიებელი და საბოლოო გადაწყვეტილების მიმღები ორგანო ერთმანეთისგან უნდა იყოს გამიჯნული.

სასამართლოს არსებობა უზრუნველყოფს, რომ საქმის განხილვა და საბოლოო გადაწყვეტილების მიღება განხორციელდეს დამოუკიდებელი და მიუკერძოებელი ორგანოს მიერ.

2.2. სამართლიანი სასამართლო პროცესი

თითოეულ მოთამაშეს უნდა ჰქონდეს შესაძლებლობა, საჭიროების შემთხვევაში, ისარგებლოს გამჭვირვალე და სამართლიანი სასამართლო პროცესით.

სასამართლო პროცესი უნდა ეფუძნებოდეს:

მხარეთა თანაბარ შესაძლებლობებს;
წარმოდგენილი მტკიცებულებების განხილვას;
მხარეთა პოზიციების მოსმენას;
მიუკერძოებელ გადაწყვეტილებას.

სასამართლო სისტემის მიზანია სამართლებრივი დავების IC გარემოში გადაწყვეტა, რათა მსგავსი საკითხების განხილვა მაქსიმალურად OOC სივრციდან გადაიტანოს.

2.3. კანონების განმარტება

სერვერზე არსებული კანონები შესაძლოა ყველა შესაძლო სიტუაციას დეტალურად არ არეგულირებდეს. ასეთ შემთხვევაში შეიძლება საჭირო გახდეს კანონის განმარტება, არსებული პრაქტიკის გათვალისწინება ან კონკრეტული შემთხვევის სამართლებრივი შეფასება.

კანონის განმარტების უფლებამოსილება ეკისრება სასამართლოს, რომელიც გადაწყვეტილების მიღებისას ითვალისწინებს მოქმედ კანონმდებლობას, საქმის გარემოებებსა და შესაბამის სამართლებრივ პრაქტიკას.